16 qańtarda AQSH Prezıdenti Donald Tramp Aq úıde Qazaqstan Respýblıkasynyń Prezıdenti Nursultan Nazarbaevpen kezdesti, dep habarlaıdy Qamshy.kz aqparat agenttigi. 

Memleket basshysyn Aq úı basshysy ózi qarsy alyp, qol alysqan sátin «Qazaqstan» RTRK» AQ basshysy Erlan Qarın Feısbýktegi paraqshasynda tikeleı efır arqyly kórsetti.

Sondaı-aq Erlan Qarın Nursultan Nazarbaevtyń amerıkalyq jýrnalıserdiń saýalyna jaýap bergen tusyn da óz paraqshasyna saldy. Vıdeodan baıqaǵanymyzdaı, ózin senimdi ári erkin ustaǵan Elbasy jýrnalıserdiń nazaryn ózine aýdara bilgen.

Aq úıdegi kelissózder aıaqtalǵan soń Donald Tramptyń Nursultan Nazarbaevty shyǵaryp salǵan sátiniń vıdeosy da jarıalandy.

Aıta keteıik, Elbasy 16 qańtar kúni AQSH-qa resmı saparmen baryp, Aq úıde Donald Tramppen kelissózder ótkizdi. Kelissózderden keıin Nazarbaev sheteldik ınvestısıalar jónindegi korporasıa basshylyǵymen, AQSH-tyń energetıka mınıstri Rık Perrımen jáne Amerıkanyń isker toptar ókilderimen kezdesti.

Sapar aıasynda ınvestısıalyq jáne saýda-ekonomıkalyq yntymaqtastyqqa qatysty 7 mıllıard dollardyń 20-dan astam komersıalyq qujatyna qol qoıylǵan. Bul qarjy avıasıa jáne ǵaryshtyq zertteýler, munaı hımıasy men aýyl sharýashylyǵy jáne ınfra qurylymdy damytý salalaryndaǵy jobalardy iske asyrýǵa bólinbek.

Sonymen qatar úkimetaralyq úsh kelisim jasalǵan. Olar – Memlekettik áýe kemelerine aeronavıgasıalyq qyzmet kórsetkeni úshin aqy almaý týraly kelisim, Qazaqstan terıtorıasy arqyly komersıalyq temirjol tranzıtin qamtamasyz etý kelisimge hattama jáne Halyqaralyq salyq dısıplınasyn jetildirý týraly kelisim.

Sonymen qatar, Memleket basshysy BUU Qaýipsizdik Keńesiniń otyrysyna qatysady.