OAR prezıdenti Djeıkob Zýma óz ókilettigin merziminen buryn aıaqtamaq, dep jazady Qamshy.kz aqparat agenttigi.

TASS portalynyń deregine súıensek, ol mundaı málimdemeni sársenbide «Afrıka ulttyq kongresi» basqarýshy partıasynyń bergen merzimi aıaqtalǵannan keıin jasady. Olaı bolmaǵan jaǵdaıda beısenbide senim týraly másele boıynsha daýys berý kezinde opozısıany qoldaıtynyn habarlady.

«Men respýblıka prezıdenti qyzmetinen otstavkaǵa ketý týraly sheshim qabyldadym. Uıym basshylyǵynyń sheshimine kelispeýime qaramastan, men basqarýshy partıanyń tártibine árdaıym baǵyndym», - dedi Zýma.

Sondymen qatar, ol senimsizdik votýmynan da, ımpıchmentten de qoryqpaıtynyn jáne bul prosedýralardyń óz kóshbasshylarynyń ókilettigin toqtatýda azamattardyń qoldanatyn zańdy tetigi ekendigin atap ótti.