«Astana» Halyqaralyq qarjy ortalyǵy, Seed Stars shveısarlyq qory men MOST jeke Bıznes-ınkýbator Ortalyq komýnıkasıalar qyzmetindegi baspasóz konferensıasynda Fintech Stars startaptary úshin halyqaralyq akselerasıa baǵdarlamasy iske qosylýy týraly málimdedi.
Astanada Seedstars jáne Bınes-ınkýbator MOST-pen AHQO-nyń (Astana Halyqaralyq Qarjy Ortalyǵy) áriptestigi aıasynda iske qosylǵan Fintesh Stars akselerasıasy halyqaralyq baǵdarlamasy boıynsha álemniń eń myqty on startap-komandalary jınalady.
Fintech Stars – bul álemdik fınteh-kompanıalardyń ózara áreketiniń platformasyn jasaıtyn jáne álem boıynsha ınnovasıalyq sheshimderdi jınaqtaýǵa baǵyttalǵan akselerasıalyq baǵdarlama.
«Qazaqstandaǵy qolaıly jaǵdaıǵa qaraı «mıdy qozǵaý» tapsyrmasyn jasaý qajet. Ol úshin talantty adamdar jetkilikti bolýy kerek, ınvestısıaǵa qoljetimdilik, jańa baǵyttaǵy zańdar jınaǵy, qarjy mekemeleri men kompanıalardyń ózgeriske daıyndyǵy qajet. Jekelegen talantty adamdardyń qabiletterin bir arnada paıdalaný úshin jáne qyzyǵýshylyq týdyrý maqsatynda Qazaqstanǵa halyqaralyq kásipkerlerdiń kelýine jaǵdaı jasaǵan jón», - dedi Seedstars kompanıasynyń ókili Igor Ovcharenko.
Bir jarym aı boıy Qazaqstannan, Ortalyq Azıa elderinen, Taıaý Shyǵystan, Kavkaz respýblıkasynan, EAES, Evropa, Qytaı, Monǵolıadan osy baǵdarlamaǵa ótinimderdi qabyldaý jumysy júrgiziledi. Osynyń nátıjesinde uıymdastyrýshylar 20 myń AQSH dollaryn quraıtyn egistik ınvestısıasyna qol jetkizetin eń myqty 10 komandany iriktep alady. Odan keıingi úsh aıda keshendi oqytý men jobany damytý jumystary júrgiziledi. «Demo dná» qorytyndysy boıynsha startap-jobalar qosymsha qarjylandyrý men jekelegen jáne halyqaralyq naryqqa shyǵýǵa múmkindik alady.
Bul baǵdarlama 23 sáýirde bastalyp, 4 shildede aıaqtalady.
«Biz Fintech Stars startap jobasyna básekelestik ortany qalyptastyrý úshin halyqaralyq startap júıesin tartyp otyrmyz. Bizdiń maqsatymyz fınteh salasynda jumysyn jańadan bastaǵan kásipkerlerdi qoldaý jáne olardyń kásibin damytýyna qajetti quraldardy berý bolyp tabylady. Startapty damytýda úlken tájirıbesi bar halyqaralyq kompanıalarmen birlese iske qosylǵan akselerasıalyq baǵdarlama bizdiń maqsatymyzdyń júzege asýyna paıdasyn tıgizedi. Bul baǵdarlama myqty 10 komandanyń startap-jobasyn qarjylandyrýǵa ǵana emes, sonymen qatar kásipkerlerge óz jobasy aıasynda osy salanyń myqty sarapshylarymen jumys isteýine múmkindik beredi. Olarǵa bıznes-prosesterdi qalaı júzege asyrýǵa, básekelestik ortada qalaı jumys isteýdi oqytyp, úıretedi. Baǵdarlamanyń osy oqytý bóligi nátıjeli jáne jemisti startap jasaýdyń basty kilti dep sanaımyz. Startaptardyń úlken nátıjege qol jetkizetinine senemiz. Sizderdiń baǵdarlamaǵa qatysýǵa ótinishterińizdi kútemiz», - dedi sandyq tehnologıalar AHQO dırektory Ásel Jıenbaeva.
Seedstars kompanıasynyń ókili Igor Ovcharenko akselerasıalyq baǵdarlamany uıymdastyrýshylardyń áriptestik quramyna qarap-aq, bul baǵdarlamanyń startaptarǵa úlken múmkindik bererine senim bildirdi.
«Seedstars arqyly halyqaralyq mentorlarǵa, ınvestorlarǵa, klıentter men qyzmetkerlerge, MOST – jekelegen, al AHQO – materıaldyq-zańdyq baza men memlekettik sektorlarǵa qoljetimdilik múmkindigin beredi. Baǵdarlamadan keıin startaptar Seedstars Investor Club, MOST bıznes-angel Asosıasıasynan jáne áriptesterinen óziniń jumys nátıjesine qaraı, ósimi men jyldamdyǵy boıynsha 350 myń AQSH dollary kóleminde ınvestısıa alady».
«8 jyldan beri kásipkerlerdiń óz maqsatyna jetýi úshin kómektesip júrgen jekelegen ekojúıelik startap retinde FintechStars jobasynyń mańyzdylyǵy men qajettiligin basqalardan góri jaqsy túsinemiz. AHQO men SeedStars-tyń bul jobaǵa qatysýy qazaqstandyq startaptar men halyqaralyq komandalarǵa kóptegen múmkindik beredi. Bul baǵdarlama jekelegen jáne halyqaralyq sarapshylardyń birigýine, tájirıbeli mentorlardyń atsalysýyna, kásipkerlerge bilim berip, óz kásibin júrgizýge jáne tirkeýine qolaıly jaǵdaı jasaıdy. Startaptarǵa aıtarym, halyqaralyq akselerasıalyq baǵdarlamaǵa qatysyńyzdar, óz múmkindikterińizdi jiberip almańyzdar», - dedi MOST Bıznes-ınkýbatorynyń bas dırektory Álim Hamıtov.
