Qazaqstan Qytaıǵa nota joldady dep habarlaıdy Qamshy.kz aqparat agenttigi 31 arnanyń jańalyqtar qyzmetine silteme jasaı otyryp. Prezıdenttiń tikeleı tapsyrmasynen keıin 237 kún ótken soń ǵana Qytaıda qysym kórip jatqan qazaqtardyń máselesine qatysty Qazaqstan úkimeti osyndaı qadamǵa baryp otyr. Qytaı tarapy qandaı sheshim qabyldar eken? Shekaranyń ar jaǵynda qysym kórip, keıbiri qamalyp jatqan qandastarymyzdyń týystary bul sheshimdi asyǵa kútetini anyq.

Qytaı qazaqtary qysym kórip jatyr degen máseleni bıik minberde alǵash ret Germanıadaǵy qandasymyz aıtqan edi. Prezıdent «bul jaǵdaı týraly endi estip otyrmyn» dep sol jerde Syrtqy ister mınıstrine tapsyrma bergen bolatyn.

Alaıda, sodan beri sheshimi tabylmaq túgili, Qytaıda qýdalanǵan jaqyndaryna arasha izdegenderdiń sany artpasa kemimegeni anyq. Olar birneshe ret jınalyp, úkimetke aryzdaryn jetkizbek te bolǵan.

– Ol málimetter rastalǵan soń Qytaı tarapyna resmı túrde, dıplomatıalyq arnalar arqyly dıplomatıalyq nota jiberdik. Sonymen qatar, Beıjińdegi elshiligimiz, Úrimjidegi pasporttyq-vızalyq qyzmettiń ókilderi Qytaı tarapymen tyǵyz jumys istep jatyr,- deıdi QR Syrtqy ister mınıstri Qaırat Ábdirahmanov.