18 aqpanda Qazaqstannyń aýmaǵynda atmosferalyq aǵyndardyń ótýine baılanysty elimizdiń ońtústik-shyǵys, batys, soltústik-shyǵysynda qubylmaly aýa raıy saqtalady, keı jerlerde qar jaýady. Respýblıkanyń basym bóliginde tuman saqtalady, dep habarlaıdy Qamshy.kz aqparat agenttigi Qazgıdrometke silteme jasap.

Sınoptıkterdiń boljaýynsha, Qyzylorda oblysynyń keı jerlerinde tuman túsip, jeldiń kúsheıýi 15-20 m/s-ge jetý yqtımal.

Aqmola, Jambyl, Ońtústik Qazaqstan, Aqtóbe, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynda tuman kútiledi, kúndiz Jambyl, Ońtústik Qazaqstan oblystarynda jel jyldamdyǵy 15-20 m/s-ge kúsheıýi kútiledi.

Mańǵystaý oblysynyń keı jerlerinde, Atyraý, Batys Qazaqstan oblystarynyń kúndiz basym bóliginde jel 15-20 m/s-ge kúsheıedi.

Almaty oblysynyń keı jerlerinde tuman kútiledi.