Kezdesý barysynda Memleket basshysyna Batys Qazaqstan oblysynyń áleýmettik-ekonomıkalyq damýy jóninde esep berildi, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasaı otyryp.

Altaı Kólginov Qazaqstan Prezıdentine óńirdegi negizgi ekonomıkalyq kórsetkishterdiń óskeni týraly, sondaı-aq memlekettik jáne salalyq baǵdarlamalardyń  júzege asyrylý barysy jóninde baıandady.

– Oblysta áleýmettik-ekonomıkalyq jaǵdaı turaqty. Qabyldanǵan memlekettik baǵdarlamalar belsendi túrde iske asyrylyp jatyr. Sonyń nátıjesinde ekonomıkada oń úrdisterdiń oryn alǵany baıqalýda, – dedi Batys Qazaqstan oblysynyń ákimi.

Sonymen qatar A.Kólginovtiń málimetine sáıkes, 2017 jyldyń qorytyndysy boıynsha oblystyń ónerkásip, qaıta óńdeý sektory men qurylys salalaryndaǵy kórsetkishterdiń artyp kele jatqany atap ótilgen. Jalpy ónim kólemi 2,2 trıllıon teńgege jetken.

Kezdesý sońynda Nursultan Nazarbaev birqatar naqty tapsyrma berdi.