Oraldaǵy Ótemisov atyndaǵy № 32 orta mekteptiń muǵalimi UBT ortalyǵynda qaıtys boldy dep habarlaıdy Qamshy.kz aqparat agenttigi "Ýralskaıa nedelá"-ǵa silteme jasap.
— Bitirýshi synyptyń klass jetekshisi oqýshylaryn testileý ortalyǵyna aparǵan. Oqýshylar test tapsyrýǵa dárisqanaǵa kirip ketkende synyp jetekshi oqýshylaryn dálizde kútip otyrǵan. 13.10 ýaqyt shamasynda muǵalim ózin nashar sezindi. Biz jedel járdem shaqyrdyq, alaıda jedel járdem jedel bolmaı shyqty. Olar jarty saǵatta biraq jetti. Dárigerler kelgende muǵalimniń qaıtys bolǵanyn anyqtady. Jedel járdem shaqyrǵan ýaqyt túski úziliske dál kelgen edi. Dáriger túski asta bolǵan. Naqty dıagnozyn bilmeımiz. Áıeldiń qan qysymy joǵary bolǵany belgili, - dedi testileý ortalyǵynyń qyzmetkeri.
Oblystyq densaýlyq saqtaý basqarmasy bolǵan jaǵdaıǵa qatysty keıinirek pikir bildirýge ýáde berdi.
