SHQO ákimi Danıal Ahmetov Shemonaıha aýdanyndaǵy sý tasqynyn óz kózimen kórgen.

«Munyń bári meniń kóz aldymda boldy. Glýbokovskıı aýdanynan soń Shemonaıha aýdanyna bardym. 06.30-dan 09.15-ke deıin jańbyr sýy Ýba ózeninen asty. Ózen sýy 1,5 – 2 metrge deıin jetti. 42 úı sý astynda qaldy», - dedi ákim aýdandyq OKQ brıfıńi barysynda.

Onyń aıtýynsha, aldyn-ala jarylys jumystarynyń arqasynda arnasynan asqan ózen sýy bir saǵat kóleminde qaıtty.

«Sý astynda qalǵan úılerdiń kóbi ózen jaǵasynda ornalasqan. Aýdan ákimdigi jumys istedi, adamdarǵa eskertildi, tańǵy ýaqyt bolǵanyna qaramastan, bárin úılerinen shyǵaryp aldy. Qazirgi tańda sońǵy jarylys jumystaryn júrgizip jatyrmyz, Shemonaıha qalasyna eshqandaı qaýip tónbeıdi», - dedi Danıal Ahmetov.