«Zımnáá vıshná» saýda úıinde shyqqan órtte terezeden sekirgen jasóspirimniń barlyq otbasy músheleri órtte kóz jumdy, dep jazady Qamshy.kz aqparat agenttigi life.ru-ǵa silteme jasap. 

Qazir bala komada jatyr. Dárigerler onyń terezeden sekirgen ýaqytta birneshe jeri synǵanyn aıtady.

11 jastaǵy Sergeıdiń ata-anasy, ájesi men qaryndasy qaza boldy.  Jergilikti  BAQ-tyń málimetinshe, olar saýda ortalyǵyna balalardyń birine bas kıim alýǵa barǵan. Balalarǵa arnalǵan alańqaıda órt bastalǵanda eshqaısysy shyǵatyn esikti taba almaǵan. Ákesi Sergeıdi 4-qabattan ıtergen, qalǵany sekirip úlgermegen.

Esterińizge sala keteıik, «Zımnáá vıshná» saýda úıindegi órt 25 naýryzda kúndiz bastalǵan. Sońǵy málimetterge sáıkes, órtte kóz jumǵandardyń sany 64-ke jetken.