Oqıǵa aǵymdaǵy jyldyń qańtarynda Mahambet aýdanynda bolǵan. Atyraýlyq qaladan 20 shaqyrym jerde ornalasqan  orman alqabyna dosymen birge ańǵa shyqqan. Er adamda ózimen  birge tirkelgen qarýy bolǵan. Bul jaıynda Moı Gorod basylymy habarlaıdy. 

Atyraý qalasy №2 sottyń baspasóz qyzmetiniń habarlaýynsha, ańshylar adamdy qasqyr dep oılaǵan.

— Josparlaǵan jerge ornalasyp bolǵan soń er adamdardyń biri qasqyrǵa uqsaıtyn eki adamdy baıqaıdy. Alaıda onyń qasqyr ekenine kóz jetkizbeı turyp, oq atqan. Sol sátte butanyń ar jaǵynan er adamnyń daýysy estilgen. Oq atqan adam barǵanda jaralynyń qasqyr emes adam ekenin kórgen, - deıdi Atyraý qalalyq №2 sot baspasóz qyzmeti.

Sot kináliniń óz qylmysyn tolyqtaı moıyndaǵanyn eskerip, sonymen qatar buryn isti bolmaǵanyn nazarǵa alyp 1 jyl bas bostandyǵynan aıyrdy.