Qaraǵandy oblysynda ózenniń arnasynan asýy saldarynan eki jeke úıdi sý basty, dep habarlaıdy QazAqparat. 

«Bıyl 12 sáýirde saǵat 20:03-te Sabyr qoja ózeniniń arnasynda seń úıindisiniń jınalýy saldarynan Qaraǵandy oblysy Osakarov aýdany Nıkolaevka eldi mekenine jaqyn mańda ózen arnasy qysqa ýaqytqa tasyp, oǵan jaqyn ornalasqan jeke úılerdiń 20 aýlasyn sý basty», - delingen vedomstvonyń habarlamasynda.

21:30-da Qaraǵandy oblystyq TJD bólimsheleri men jergilikti atqarýshy organdarynyń kúshimen aryq qazylyp, ózen arnasynyń burynǵy qalyppen aǵýy qamtamasyz etildi. Jaǵdaı tolyǵymen turaqtaldy. Eshkim zardap shekpedi.

13 sáýirde saǵat 08:00-de sý tasqyny bolǵan jerde ózen arnasyn sanıtarlyq tazalaý jumystary júrgizilip jatyr.