Búgin Shymkent qalasynda QR Prezıdenti janyndaǵy Jastar saıasaty jónindegi keńesiniń HHİ otyrysy stýdent jastarmen jáne belsendilermen kezdesý ótti. Kezdesý barysynda jastar Qazaqstan Respýblıkasynyń Prezıdenti N.Á. Nazarbaevqa bes áleýmettik bastamaǵa qoldaý bildirip,  alǵyspen úndeý joldady.

Barsha jastardyń atynan Elbasynyń atyna úndeýdi «Qazaqstan stýdentteri Alánsy» respýblıkalyq stýdentter qozǵalysynyń lıderi İlıas Tústikbaev jarıalady.

«Elimizdiń barlyq stýdentteriniń atynan, Sizge árdaıym turaqty jáne perspektıvaly damýǵa, bilim berý salasynda jáne stýdent jastardyń shyǵarmashylyq ósýine, alǵa qoıǵan josparlardy iske asyrýda kórsetken orasan qoldaýyńyz úshin sheksiz alǵysymdy bildiremin.

Búginde elimizde jastardyń rýhanı jáne potensıaldarynyń damýyna barlyq múmkindik jasalǵan. Siz jarıalaǵan Áleýmettik jańǵyrýǵa baǵyttalǵan 5 áleýmettik bastama jastardyń damýy men qalyptasý jolynda qýatty qoldaý bolyp tabylady. Atalǵan baǵdarlamalar jastarǵa degen memleket qamqorlyǵynyń aıqyn kórinisi dep bilemiz», - dep aıtylǵan úndeýde.

«Naryqtyq ekonomıkada adamı kapıtaly birinshi orynǵa shyǵady. Josparlanǵan granttar, elimizdegi árbir ekinshi jastyń joǵary sapaly jáne qoljetimdi bilim alý úshin úlken kómek kórsetedi, jas mamandardyń Qazaqstanda ǵana emes, sondaı-aq shet elderde básekege qabilettiligin arttyrýǵa zor múmkindik beredi. Josparlanǵan jańa 75 myń oryndyq stýdenttik jataqhanalar memleket tarapynan jastardyń sapaly bilim alýǵa degen basa nazarynyń aıqyn kórinisi.

Biz jas memleketpiz. Bári áli aldymyzda, barlyq joldar ashyq, jańa múmkindikter iske asýyn kútýde, osynyń barlyǵy bizge erekshe serpilis beredi. Elimizdiń kóńili jaıly, turmysy maıly bolý jolynda tyń mindetterdi tyndyrymdy jumysqa ulastyrýǵa bar kúshimizdi salamyz!», - dep jazylǵan jastar úndeýinde.

El jastary memleketimizdiń odan ári damyp, gúldený jolynda áli de talaı istiń júzege asyrylýy tıis ekenin túsine otyryp, áleýmettik memleket pen ulttyq órkendeýdiń shynaıy, ári syndarly qazaqstandyq modelin birge jasaýǵa daıyn ekendikterin atady.