Qyrǵyzstan astanasy Bishkekte 20 sáýirde mıtıń ótedi dep josparlanyp otyr. Belsendiler bıliktegilerdiń nazaryn qyrǵyzstandyq qyzdarǵa aýdarýdy kózdep otyr. Bul jaıynda Qyrǵyzstan jańalyqtary habarlaıdy.

Mıtıńke shyǵýshylar qyrǵyz qyzdaryna belgili bir jasqa jetkenshe elden shyǵýǵa tyıym salýdy kózdep otyr. Bul jaıynda belsendi Tilek Taalaıbekov jazǵan. Onyń aıtýynsha, qyrǵyz qyzdaryn shetelde aldanyp qalý men zábir kórýden qorǵaý kerek.

— Biz jasy 25-26 tolmaǵan qyzdarǵa shetelge shyǵýǵa shekteý qoıýdy usynyp otyrmyz. Atalǵan jasqa jetpegen qyzdar kúıeýimen nemese týys er adammen birge ǵana elden shyǵa alady. Bul ázirge bizdiń usynysymyz. Múmkin basqalar kórsetilgen jasty kóterýdi usynyp qalar. Sonymen qatar adamdar qońyraý shalyp, atalǵan aksıaǵa qatysýǵa nıetti ekenderin bildirip jatyr. Túrkıada zardap shekken áıelder de habarlasty, - deıdi Taalaıbekov.

Mıtıńten keıin belsendiler eldiń parlamenti men úkimetine talap etip barýdy kózdep otyr.