Aqtóbedegi №38 mektepte 5-synyp oqýshysy Dılnaz Ábisheva kóz jumdy. Oqýshy qyzdyń jaǵdaıy sabaq ústinde nasharlaı bastaǵan. Muǵalimder jedel járdemge 18 márte habarlasqan, alaıda dárigerler kelmedi. Aýrýhanaǵa jetken boıda qyz jan tapsyrdy. Bul týraly «Dıapazon» jazdy.

Qaıǵyly oqıǵa bolǵan kúni qyz bala ádettegideı mektepke jınalǵan. Sırkke barý úshin ata-anasynan aqsha surap aldy. Kelesi kúni úıge qyzdyń óli denesi qaıtty.

«Bul oqıǵa kúnniń ekinshi jartysynda boldy. Besinshi sabaqta qyzdyń jaǵdaıy nasharlaı bastady. Jedel járdemge 18 ret habarlastyq. Kelmegendikten, muǵalimder kóshege shyǵyp, kólikti ózderi toqtatty. Biraq qyzdan aıyrylyp qaldyq. Ol buǵan deıin de aýyrǵan eken. Úıinde de esinen tanyp qulapty. Mundaı jaǵdaı synypta da boldy. Dáriger oǵan shaı men sý berip, úıine jibergen. Gemoglabıni tómendegen eken, júrek talmasy ustap qalatyn. Biz ata-anasyna kóńi aıtyp, materıaldyq turǵydan kómek kórsettik. Óte ókinishti. Dılnaz salmaqty qyz bolatyn, sabaǵyn da jaqsy oqydy», - dedi oqý isiniń meńgerýshisi Bımash Tileýbergenova.

Aldyn ala derekter boıynsha, qyzdyń júregi toqtap qalǵan. Alaıda anasy Dılnazdyń aýrýǵa eshqashan shaǵymdanbaǵanyn aıtady.

«Dılnaz ákesin emdegendi jaqsy kóretin. Dáriger bolýdy armandady. Ol aýyrǵan joq. Densaýlyǵynda aqaý bolmaǵan. Dárigerlerdiń ózi túsine almady. Saraptama nátıjeleri de qyzdyń organdary qalypty ekenin kórsetip otyr. Aıaq astynan júregi toqtap qalǵan. Naqty sebebitek bir aıdan keıin bile alamyz. Analızderin Almatyǵa jiberdik. Sol kúni Dılnazdyń muǵalimi habarlasyp, qyzymnyń jaǵdaıy nasharlap jatqanyn aıtty. Jumystan birden mektepke attandym. Balalardyń bári syrtta turdy. Dılnaz synyp ishindegi partada jatty. Meniń kózimshe medbıkeler qyzdyń ómirimen arpalysyp jatty. Qyzym tynys alǵanda qatty qýanǵan edim. Biraq aýrýhanada qaıtys bolǵanyn aıtty. Kesh jetkizgen ekenbiz», - dedi qyzdyń anasy Záýresh.