AQSH prezıdenti Donald Tramp 18 sáýirde Reseıge qarsy jańa sanksıany «Kreml ózi soǵan laıyqty is jasaǵanda» salatynyn málimdedi.
Donald Tramp bul jaıynda Vashıngtonda Japonıa premer-mınıstri Sındzo Abemen birge ótkizgen baspasóz máslıhatynan soń jýrnalıser qoıǵan saýaldarǵa jaýabynda aıtty.
«Prezıdent Donald Tramptan ózge eshkim Reseıge qatysty osynshalyqty qataldyq tanytqan joq. Taıaýda ǵana Sırıada bizdiń áskerimiz ben Reseı áskeriniń arasynda keskilesken urys boldy jáne ol óte qaıǵyly jaǵdaı. Ol urysta kóp adam qaza tapty», - dedi AQSH prezıdentine.
Tramp amerıkalyq BAQ-tyń «Kremlge qatysty jumsaq saıasat ustanady dep negizsiz tujyrym jasaıtynyna» qynjyldy. «Biraq Donald Tramptan basqa eshkim qatal bola almaǵanyn sizderge Reseıdiń ózi aıtady», - dep eskertti ol.
Birneshe kún buryn BAQ Tramp ákimshiliginde Sırıada hımıalyq qarý jasaýǵa qatysy bar delingen reseılik kompanıalarǵa jańa sanksıalar salýǵa qatysty kelispeýshilik baryn habarlaǵan.
5 sáýirde AQSH-tyń BUU-daǵy turaqty ókili Nıkkı Heılı Reseıge qarsy sanksıa 16 sáýirde jarıalanatynyn habarlaǵan edi. Biraq dúısenbide sanksıa jarıalanbaı, keıinge qaldyrylǵan.
