Halyqaralyq Time jýrnaly sońǵy 5 jylda birinshi ret Reseı prezıdenti Vladımır Pýtındi álemniń eń yqpaldy adamdarynyń tiziminen shyǵardy. 

Ótken tórt jylda Pýtın «kóshbasshy» degen kategorıada bolǵan. Ol jerge álemge tanymal saıasatshylar men bıznesmender enedi. Al 2018 jyly jarıalanǵan reıtıńte Pýtın tipti «ártis» , «kýmır» degen kategorıalardan da tabylmady.

Al 2018 jylǵy Time jýrnalynyń reıtıńinde AQSH prezıdenti Donald Tramp, Soltústik Koreıa prezıdenti Kım Chen Yn, Qytaı kóshbasshysy Sı Szınpın, arnaıy prokýror, Reseıdiń Amerıkadaǵy saılaýǵa qatysy bar-joǵyn zerttegen Robert Múller, brıtanıalyq hanzada Garrı jáne onyń qalyńdyǵy Megan Markl, Saýd Arabıanyń murager hanzadasy Mohammed bar.

Aıta keteıik, 2007 jyly halyqaralyq Time  jýrnaly Pýtındi jyl adamy dep ataǵan bolatyn.