Ortalyq komýnıkasıalar qyzmetinde 2018 jylǵy biryńǵaı ulttyq testileýge daıyndyǵyna arnalǵan baspasóz maslıhaty ótti.

«Test suraqtarynyń 50 paıyzy jańartyldy. Byltyr 40 myń suraq bolsa, bıyl 119 myń suraq bar. Onyń ishinde 3 myńdaı suraq aǵylshyn tilinde. Sondyqtan, osy 119 myń suraqtyń ishinde 11 paıyzy fýnksıonaldyq saýattylyq boıynsha, al 37 paıyzy bir nemese birneshe durys jaýaptarǵa qurylǵan suraqtar. Búgingi tańda 69 963 túlek ulttyq biryńǵaı testileýge ótinish bergen, sonyń ishinde 73 myńy qazaq tilinde tapsyramyn degen ótinish. Bul 80 paıyzǵa jýyq kórsetkish. Al jalpy bıyl mektep bitiretin túlekterdiń sany 146 myń, onyń 69 paıyzy testileýge qatysýyǵa ótinish berdi», - dep málimdedi QR BǴM «Ulttyq testileý ortalyǵynyń» dırektory Ramazan Álimqulov.

Aǵymdaǵy jyly UBT testileý ótkizýdiń 167 ortalyǵynda ótetin bolady. Al ár pánnen shekteýli bal – 60. Aýylsharýashylyǵy men veterenarıa boıynsha shekti bal - 60, Ulttyq ýnıversıtetter men medısına mamandyqtaryna shekti bal – 65.

Eske sala ketsek, Ulttyq biryńǵaı testileýge qatysý úshin ótinishterdi qabyldaý aǵymdaǵy jyldyń 10 mamyryna deıin jalǵasady. Al testileý aǵymdaǵy jyldyń 20 maýsymynan 1 shildesi aralyǵynda ótedi. UBT 5 pán boıynsha júrgiziledi, 3 mindetti jáne tańdalǵan mamandyǵyna sáıkes 2 profıldi pán.

Murat Rahımjanov