İzdeýde júrgen 82 laýyzymdy tulǵa memleketke 1,1 trln teńge kóleminde shyǵyn ákelgen. Bul týraly búgin ınternet-konferensıa barysynda memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev habarlady.

«Qazirgi kezde jemqorlyqpen kúres ulttyq búrosy 82 laýyzymdy tulǵaǵa izdeý jarıalaǵan, olardyń úshten bir bóligi shetelde. Olar qyzmettik ókiletin asyra paıdalanǵaný, para alý, uıymdasqan qylmystyq qaýymdastyq qurý, qarjy jymqyrý jáne izin jasyrý isteri boıynsha izdestirilýde. Olar memleketke jalpy somasy 1,1 trln teńge kólemde shyǵyn ákelgen», - dedi agenttik basshysy Alık Shpekbaev.

Agenttik basshysynyń aıtýynsha, 2017 jyly 38 adam ustalǵan, onyń 12-si shetelde ustalǵan. Olardyń tórteýi Vengrıa, Túrkıa, Reseıden Qazaqstanǵa ekstradısıalanǵan. Qazirgi kezde 8 adam ekstradısıalaý aldynda tur.

«2017 jyly eki myń jemqorlyqqa qatysty zańbuzý isteri tirkeldi. 108 júıeli jemqorlyq faktisi jáne bes uıymdasqan qylmystyq toptyń áreketi ashyldy», - dedi Alık Shpekbaev.

2017-2018 jyldary sotqa baǵyttalǵan jemqorlyqqa qatysty qylmystyq ister boıynsha jeti adam aqtalyp shyqqan.