Qaraǵandy oblysy Ulytaý aýdany Alǵabas aýylynyń turǵyny týǵan qaryndasyn óltirdi degen kúdikpen ustaldy, dep habarlaıdy Qamshy.kz aqparat agenttigi tengrinews.kz-ke silteme jasap.  

Qylmystyq is aýdanaralyq sotta qaralyp jatyr. Tergeýshilerdiń oıynsha, qylmys bıyl 16 aqpanda boldy. Onyń mán-jaıy qazir ǵana anyqtaldy.

Sotta 35 jastaǵy er adam týǵan qaryndasyn mas kezinde óltirgeni aıtyldy. Aǵasy men qaryndasynyń arasynda urys bolǵan.

Qylmys bolǵan kúni er adam úıine eki bótelke ishimdikpen kelgen. Er adam keshki as kezinde ishimdik ishe bastaǵan.

«Aǵasynyń qylyǵy qaryndasyna unamaı, ol óz narazylyǵyn bildirdi. Ekeýi urysa bastady. Osy ýaqytta er adam ústelden pyshaqty alyp qaryndasyna shabýyldaǵan. Shoshyp ketken áıel jatyn bólmege qashqan. Aǵasy ony soqqyǵa jyǵyp, qolymen, aıaǵymen urǵan, pyshaq suqqan» delingen qylmystyq is materıalynda.

Sot medısına saraptamasynyń qorytyndysyna sáıkes, áıeldiń júregi men ókpesi zaqymdanǵandyqtan qaıtys bolǵan. Aǵasy týǵan qaryndasyn óltirgennen keıin oqıǵa ornynan qashyp ketken, biraq kóp ýaqyt ótpeı ustaldy.