Menıngokok ınfeksıasyn juqtyryp bes jastaǵy uly men 19 jastaǵy bolashaq kelininen aıyrylǵan Aıda Ahmetovanyń inisi aýyryp jatyr, dep jazady Tengrinews.kz. 

Dıagnozdyń rastalǵany týraly taıaýda belgili bolǵan. 5 jasar Dımashtan menıngokok ınfeksıasy tabylǵannan keıin Ahmetovter otasynyń múshelerinen analız alynǵan. Bıohımıalyq tekserýge bes kún ketti. 

Keshe analızderdiń qorytyndysyn aldyq. Barlyǵymyzdyń analızimiz taza, al meniń inimniń, Aıjannyń jigitinde dıagnoz rastaldy, ol menıngokok ınfeksıasyn juqtyrǵan. Qazir ol Almatydaǵy aýrýhanada jatyr. Jaǵdaıy durys, JRVI sekildi, tamaǵy qyzyl. İnim 2001 jylǵy", - dedi Aıda Ahmetova. 

Jigittiń aýrýhanaǵa túskeni týraly Almaty qalasy densaýlyq saqtaý basqarmasy rastady. 

"2001 jylǵy naýqas aýrýhanaǵa tústi. Onyń menıngokok nazofarıngıt juqtyrý qaýpi bar. Biz úshin eń qaýiptisi menıngokoksemıa, alaıda jigittiń dıagnozy ondaı emes. Ol eresekterge arnalǵan ınfeksıalyq aýrýhanada jatyr", - dedi Almaty qalasy densaýlyq saqtaý basqarmasynyń bas mamany Elvıra Ibragımova. 

Sonymen qatar, menıngokoktan qaıtys bolǵan 27 jastaǵy órt sóndirýshi Oljas Súleımenovtiń baýyry da óz jaǵdaıyn bólisti. "Qazir aýrýhanadamyn. Ózim keldim. Meniń dene qyzýym kóterildi", - dedi Erbolat Súleımenov. 

5 jastaǵy Dımash Ahmetov maýsymnyń 1-nen 2-ne qaraǵan túni qaıtys bolǵan edi. Olar 3 maýsymda tańǵy 09:00-de balamen baılanysta bolǵan bolashaq kelinderiniń qaıtys bolǵanyn estigen. 

Almatylyq 27 jastaǵy órt sóndirýshi Oljas Súleımenov 3 maýsymda qaıtys boldy.