Búkilhalyqtyq «I`m a singer Kazakhstan» talant-shoýynyń 100 qatysýshysy aýqymdy jobanyń ekinshi maýsymynyń túsirilimin bastap ketti. Shoýdy jasaýǵa Qazaqstannyń, Ýkraınanyń, Reseıdiń eń myqty mamandar toby jumylýda.
Alǵashqy irikteý kezeńi sanalatyn úsh kúnnen keıin jeńis úshin kúresý baqyty 100 qatysýshynyń úshten birine ǵana buıyrady. Baıqaýǵa qatysýǵa álemniń 9 elinen birneshe myńdaǵan úmitker talap bildirdi. Olardyń ishinde Qazaqstanǵa aty máshhúr «Melo’Men» tobynyń ánshisi Ǵabıt te bar.
- Talant-shoý týraly osydan eki aptadaı ýaqyt buryn áriptesterimnen estip bildim, - deıdi Ǵabıt. – Olar maǵan qatys dep qolqa saldy. Negizinde, top bolyp qatysqymyz kelgen. Sóıtsek, olaı isteýge bolmaıdy eken. Sodan soń jigitter meniń qatysqanymdy qalaıtyndaryn aıtty. Bul shoýda jeńip shyǵatynyma 100 paıyz senimdimin. Bul meniń jobam. Basqa qatysýshylarǵa sáttilik, al ózime jeńis tileımin!
Esterińizge salsaq, buǵan deıin shoý uıymdastyrýshylar Maqpal Isabekovamen kelissóz júrgizip, sarapshy-qazylar alqasynyń quramyna bekitken bolatyn. Qazylar alqasynyń quramynda odan bólek te elimizge tanymal ánshiler bar. Olardyń biri halyq ártisi Maqpal Júnisova bolsa, endi biri «MýzART» tobyny ánshisi Sáken Maıǵazıev. Sondaı-aq, qazaqstandyq ánshilerdiń birazy qurmetti qonaq retinde, sahnaǵa shyǵyp, óner kórsetedi. Aıta ketsek, shoý barysynda úzdik ánshini tańdaýǵa tek qana qazylar alqasy emes, sonymen birge stýdıadaǵy jáne ekran syrtyndaǵy kórermender bir kisideı atsalysa aaldy. Telekórermender ózderine unaǵan ánshige SMS-habarlama arqyly daýys berý quqyna ıe bolady.
Búkilhalyqtyq shoýdyń ekinshi maýsymy bıyl 9 qyrkúıek kúni efırge jol tartady. Júlde qory buryn-sońdy Qazaqstanda birde-bir baıqaýda bolmaǵan soma, ıaǵnı 50 000 000 teńgeni quraıdy.
2017 jyly kúz-qys telemaýsymynyń eń aýqymdy mýzykalyq oqıǵasy atanǵan «I’m a Singer Kazakhstan» jobasynyń birinshi maýsymyna álemniń 6 elinen eń myqty 8 kásibı án oryndaýshy qatysyp, kórermenniń erekshe yqylasyn oıatqan bolatyn. Joba álemniń alty elinde translásıalanyp, 200 mıllıonǵa jýyq kórermendi qamtydy. «I’m a Singer Kazakhstan» shoýynyń birinshi kezeńinde qazaqstandyq ánshi Qaırat Túntekov jeńiske jetti. Joba týraly tolyǵyraq singer.31.kz. saıtynan bile alasyzdar.
