Shymkenttegi balabaqshalardyń birinde 2 apta buryn bolǵan jaıt áleýmettik jelige tarap, qyzý talqylandy dep jazady Qamshy.kz aqparat agenttigi. Atalǵan vıdeoda balabaqsha tárbıeshisi balalardyń qolyn jýý úshin olardy kezekke turǵyzyp, jeńderin túrýde. Alaıda ózin tyńdamaǵan balalardy tárbıeshi uryp-soǵyp aıtqanyn istetpek bolǵan.
«Sender meniń aıtqanymdy tyńdamasańdar, men de sendermen sondaı qarym-qatynasta bolyp, senderdi tyńdamaıtyn bolamyn, sender meniń júıkeme tıseńder, men de senderdiń júıkelerińe tıemin», deıdi tárbıeshi áıel.
Orta jastaǵy tárbıeshiniń 30 jyldyq jumys tájirıbesi bar-mys. Atalǵan jaıt boıynsha biz Shymkent qalasynyń baspasóz bólimine habarlastyq. Shymkent qalasynyń baspasóz hatshysynyń málimdeýinshe, istiń aq-qarasy anyqtalyp, balabaqsha tárbıeshisi jumystan qýylǵan.
