BUU-nyń dereginshe, kámeletke tolmaı turmysqa shyǵatyn qyzdardyń jubaılary ózderinen keminde 10 jas úlken bolady eken.

Jyl saıyn Qazaqstanda 3000-ǵa jýyq 18-ge tolmaǵan jas qyzdar turmysqa shyǵady. Bul jaıynda BUU Halyq qonystaný qory málimdedi.

Belgili bolǵandaı, klasterlik zertteý nátıjesi boıynsha, Qazaqstanda áıelderdiń 8 paıyzy alǵash ret 18 jasqa deıin resmı jáne azamattyq nekege turǵan, onyń ishinde 5 paıyzy 15-19 jasynda ózderinen 10 jasqa úlken er adamdarǵa turmysqa shyqqan.

Zertteý barysynda, sonymen qatar, kámeletke tolmaı turmys qurǵan qyzdardyń basym kópshiligi jynystyq, ekonomıkalyq jáne emosıonaldyq turǵydan zardap shegedi jáne uryp-soǵýdyń qurbany bolady eken.

«Bizge tym aýyr jaǵdaıǵa túsken qyzdar kóp keledi. Kúıeýlerine bildirmeı habarlasady, keıbireýleri keńsemizge keledi. Biz qolymyzdan kelgenshe kómek kórsetýge tyrysamyz, daǵdarystyq ortalyqtarǵa jiberemiz, alaıda ol qyzdar ortalyqta tek az kúnge ǵana qala alady», - deıdi atalmysh qordyń mamany.