Bakıeva Gúlnár Narımanqyzy jalǵyzbasty ana, ekinshi toptaǵy múgedek. Ol ózine emes, qyzy úshin halyqtan kómek surap otyr. Baýyr eti balasy úshin ana júregi damyl tappaı, balamdy qaıtsem jetildirem, qatarynan qaldyrmaı bilim beremin dep tyrashtanyp júr.

12 jastaǵy Alabına bıyl 6-shy synypqa barady.  Alaıda mektepke barýǵa daıyn emes. Moraldyq turǵyda emes, materıaldyq jaǵynan. Alǵashqy qońyraýǵa sanaýly kúnder qalsa da Alabınanyń oqýǵa qajetti qural-jabdyqtary, tipti kıetin kıimi joq. Gúlnár Narımanqyzy «jaǵdaıym múlde bolmaı turǵandyqtan, amalsyzdan halyqtan kómek suraýǵa májbúrmin», deıdi.

- Qazir bári qymbat. Jyldan jylǵa mektepke qajetti jabdyqtar, kıim qymbattap jatyr, - deıdi ashynǵan ana.

Ólmestiń kúıin keshken otbasy aıyna 60 myń teńgege kúneltip keledi. Onyń 40 myńy múmkindigi shekteýli janǵa beriletin járdemaqy bolsa, 20 myńyn kúzetshi retinde alady. Jalǵyzbasty ana retinde beriletin járdemaqyny alýdyń mashaqaty kóp eken.

- Júrip, turýym qıyn. Al járdemaqy alý úshin qansha esikti qaǵyp, qansha tabaldyryqty tozdyrýyń qajet. Oǵan meniń fızıkalyq turǵyda múmkindigim joq. Onyń ústine keıbir anyqtama aqyly. Oǵan berer aqsham da joq, deıdi Gúlnár Narımanqyzy.

Alabınanyń ákesi qyzyna eshqandaı kómek kórsetpeıdi eken. Alıment máselesin sheshý qaıta «júgirýge» tireledi.

Gúlnárdyń baspanasy joq, al páter jaldap turýǵa qarjylyq jaǵdaıy kelmeıdi. Sondyqtan anasynyń 3 bólmeli úıinde qyzy ekeýi 8 adammen birge turýǵa májbúr. Páter aqy tólemese de qyzy ekeýiniń úıde turyp jatqanynyń aqysy retinde úlken otbasyn azyq-túlikpen qamtamasyz etip otyr.

Jany názik bola tura, ómirdiń buralań joldaryna shydap, qyzyn ósirip, jetildirý maqsatynda  berilmeı kele jatqan qaısar ana halyqtan kómek surap otyr.

Kómekke zárý adamǵa qol ushyn berý – adamshylyqtyń basty belgileriniń biri. Alabınaǵa qarjylaı nemese kıim-keshek, mektepke arnalǵan jabdyq túrinde kómek kórsetemin deseńizder marhabat. Bakıeva Gúlnar - 87074840774

Kaspıı gold - 5169493159723363.

Alabınaǵa qajetti jabdyqtar: Qalam – 20. Túrli-tústi qaryndash – 24. Qaryndash – 2 qorap. Óshirgish – 5. Ushtaǵysh – 5. Penal – 1.  Rúkzak-1. Dene shynyqtyrý sabaǵyna arnalǵan kıimdi salatyn qorap. Syzǵysh – 1 qorap. Sırkúl – 1. Qyl qalam – 1 qorap. 19 tústi kraska – 1. Túrli tústi qalam – 24. Álbom – 2. Flomaster -1. Plaselın-1. Túrli tústi qaǵaz – 2. Túrli tústi karton – 2. Jazý dápteri – 30. Tor dápter – 30. Qalyń dápter – 10. PVA-2 jelim. Dene shynyqtyrý sabaǵyna arnalǵan kıim. Aq fýtbolka – 2. Maıka – 2. Kolgotkı. Shulyq. Kók tústi shalbar – 2. Týflı. (aıaq kıiminiń ólshemi -35). Krosovkı. Iýbka – 2 (ólshemi -36). Bantık - 2.  Blýzka – 2 (qysqa jáne uzyn jeńdi).

Gúlnár qoly qalt etse óleń jazady. Onyń birin marqum Denıs Tenge arnaǵan eken. Jas talanttyń qyrshynnan qıylǵany janynan qatty batqanyn aıtady.