Aýyl sharýashylyǵy salasynyń sarapshysy Tóleýtaı Rahymbekov et baǵasynyń 15-20 myńǵa deıin ósetinin aıtty. Ol "Tenge Talks" ıýtýb arnasyna bergen suhbatynda Ózbekstannan et satyp alýǵa týra keletinin aıtty. 

"Aldaǵy ýaqytta biz qazaqtyń ulttyq taǵamy beshbarmaqqa ózbektiń etin salatyn bolamyz. Biraq ettiń baǵasy ol kezde 15-20 myń bolady. Men 2019 jyly ettiń baǵasy 5-6 myń teńge bolady dep eskertkenmin. Aıtqan pikirlerim qansha synǵa alynsa da, boljamdarym oryndalyp jatyr. Jaǵdaıdy bilip otyrǵandyqtan osyndaı qorytyndy jasadym. Qazir maldyń 80-90 paıyzy usaq sharýashylyqtardyń qolynda. Ónimniń ózindik qunynyń basty bóligi – jem-shóp. Tehnologıa boıynsha kóp nárse bar, biraq biz ony umytyp kettik, qolda bar jalǵyz nárse – shóp. Usaq sharýashylyqtardyń tehnıkasy joq, sondyqtan olar shópti fermerlerden satyp alady. Qýańshylyq bolǵan boıda baǵa óse bastaıdy", deıdi sarapshy Tóleýtaı Rahymbekov.