2026 jylǵy qyrkúıekte aılyq ınflásıa tamyz aıyndaǵy deńgeıde saqtalyp, 0,6% qurady.

Aı ishinde kókónister men azyq-túlik ónimderiniń jekelegen túrleriniń baǵasy tómendedi. Atap aıtqanda, pıazdyń baǵasy 20,7%, lımon – 13,9%, sábiz – 13,6%, kartop – 13,4%, baklajan – 11,2%, qyryqqabat – 10,1%, tátti burysh – 6,5%, alma – 5,3%, almurt – 2,4%, sarymsaq – 1,3%, banan – 0,7% tómendedi. Sondaı-aq balalar taǵamyna arnalǵan botqalardyń baǵasy 6,1% jáne qumshekerdiń baǵasy 1,3%, tómendedi.

Azyq-túlikke jatpaıtyn taýarlardyń ishinde qol kreminiń baǵasy 6,9%, balalar jaıalyqtary – 6,6%, teledıdar – 5,6%, ydys jýatyn mashınalar men qysqa tolqyndy peshter – 1,8%, dýshqa arnalǵan gel – 1,4% tómendedi.

2026 jylǵy qyrkúıekte jyldyq mándegi ınflásıa 9,3% qurady (2026 jylǵy tamyzda – 9,8%). Azyq-túlikke jatpaıtyn taýarlardyń baǵasy 11,0%, aqyly qyzmetter – 8,9%, azyq-túlik taýarlary – 8,5% ósti.

2025 jylǵy qyrkúıekpen salystyrǵanda jemis-kókónis ónimderiniń jekelegen túrleriniń baǵasynyń tómendeýi jalǵasty. Atap aıtqanda, almanyń baǵasy 11,1%, lımon – 8,3%, qyzylsha – 6,9%, qyryqqabat – 6,1%, banan – 5,6%, tátti burysh – 3,9% tómendedi.

Azyq-túlikke jatpaıtyn taýarlardyń ishinde 2025 jylǵy qyrkúıekpen salystyrǵanda avtomobılderdiń baǵasy 11,3%, elektr jylytqyshtar – 9,1%, kondısıonerler – 8,7%, elektr ettartqyshtar – 5,6%, balalar konstrýktorlary – 2,6%, medısınalyq maskalar – 1,7% tómendedi.

Inflásıa deńgeıin sıpattaıtyn tutyný baǵalary ındeksiniń kórsetkishi aı saıyn esepteledi. Baqylaý barlyǵy 537 pozısıa boıynsha taýarlar men kórsetiletin qyzmetterdiń tarıfteri men baǵalaryna júrgiziledi. Inflásıa boıynsha dınamıkalyq ózgeristerdi 2018 jyldan bastap kórsetkishter qamtylǵan arnaıy ázirlengen ınteraktıvti dashbordtan kórýge bolady.

Anyqtama úshin:
2026 jylǵy qańtardan bastap tutyný baǵalary ındeksin esepteý kezinde azyq-túlik taýarlarynyń úlesi 41,1%-dy, azyq-túlikke jatpaıtyn taýarlardyń úlesi 28,4%-dy, aqyly qyzmetterdiń úlesi 30,5%-dy quraıdy.