Sáýirden bastap mobıldi aýdarymdar jónindegi derekterdi bankter salyq organdaryna joldaı bastaıdy. Kimniń shoty baqylaýǵa iligetinin Memlekettik kirister komıteti túsindirdi.

Alǵashqy málimet qashan jiberiledi?

2026 jyldyń birinshi toqsany boıynsha aqparatty bankter 15 sáýirge deıin Memlekettik kirister komıtetine usynbaq.

Kimderge suraq týyndaýy múmkin?

Krıterıı úsh sharttan turady: úsh aı qatarynan jeke shotqa 100 ne odan kóp ártúrli adamnyń aýdarymy túsýi tıis; sol úsh aıdaǵy jıyntyq soma 1 020 000 teńgeden asýy kerek; túsimder júıeli sıpatqa ıe bolýy qajet.

Osy sharttar sáıkes kelse, bankter salyq organdaryna habar beredi. Prosesti MKK-nyń arnaıy salyq rejımderin ákimshilendirý basqarmasynyń basshysy Erkanat Shynbergen túsindirdi.

Jeke maqsattaǵy aqsha aýdarymy bolsa ne isteý kerek?

Komıtet dereý sanksıa qoldanbaıdy: kameraldyq baqylaý nátıjesi boıynsha habarlama joldanady. Salyq tóleýshi túsinikteme berip, aqshany kásipkerlikke emes, jeke qajetine paıdalanǵanyn qujatpen dáleldeı alady.

Aýdarymdar kásipkerlik tabys ekeni rastalsa, qosymsha eseptilikti tapsyrý qajet. Jeke kásipker retinde tirkelmegen adam tirkelýi kerek.

Shot qashan buǵattalýy múmkin?

Habarlama alǵannan keıin bir aı ishinde salyq organyna kelmegen adamǵa qatysty 41-kúni shotty buǵattaý sharasy qoldanylýy múmkin. Buǵattaý Salyq kodeksinde kórsetilgen tártippen ǵana júrgiziledi.

Erejeniń maqsaty kóleńkeli aınalymdy qysqartý jáne bárine ortaq salyq ádildigin kúsheıtý bolyp otyr, al ádettegi týys-týǵan arasyndaǵy turmystyq aýdarymdar úshin birden aıyppul salynbaıdy.

Bul týraly Qamshy.kz aqparat agenttigi habarlaıdy.