Almaty qalasyndaǵy №224 mektep taza qazaq tilinde bilim beretin mekeme retinde ashyldy. Bul aqparatty qoǵam belsendileri áleýmettik jelige jarıalap jatyr.
Ákimdik qyzmetkerleri orys tildi ata-analarǵa kadr tapshylyǵyna baılanysty ázirge orys synyptary ashylmaıdy dep jaýap bergen.
Alaıda egov portalynda №224 mektep aralas mektep retinde kórsetilgen. Ákimdik mektepke baılanysty resmı aqparat jarıalamady.
Buǵan deıin Almaty turǵyndary №224 mekteptiń tolyq qazaq tilinde bolýyn talap etip úndeý jasaǵan. Oqıǵa qoǵam arasynda rezonans týdyrǵan edi.
