AQSH bıligi Reseı Federasıasynyń áreketterin ulttyq qaýipsizdikke tóngen qaýip dep baǵalap, soǵan baılanysty jańa atqarýshy jarlyq jarıalady. "Qujat Reseıdiń Ýkraınaǵa qarsy saıasatyna jaýap retinde ekonomıkalyq jáne saýda tetikterin paıdalanýdy kózdeıdi" dep málimdedi Aq úı.

Jarlyq aıasynda Reseı munaıyn tikeleı nemese janama túrde ımporttaǵan elderge jáne Iranmen saýda jasaıtyn elderge qatysty qosymsha kedendik baj salyǵy (25%) engizilgen bolatyn. Onyń alǵashqy nysany retinde Úndistannan keletin taýarlar alynǵan, óıtkeni ol sol kezde Reseı munyn tikeleı nemese janama túrde satyp alǵan. Keıinirek Tramp Úndistannyń Reseıden munaı satyp almaıtynyn málimdedi. Vashıngton jarıalaǵan aqparattar boıynsha, bul shara Reseı ekonomıkasyna qarjylyq qoldaýdy azaıtý jáne oǵan halyqaralyq qysymdy kúsheıtý maqsatynda qabyldanǵan.

AQSH ákimshiligi bul saıasattyń ýaqytsha emes ekenin, Reseıdiń áreketteri ózgermeıinshe, mundaı ekonomıkalyq qysym jalǵasýy múmkin ekenin atap ótti. Sonymen qatar, Vashıngton basqa elderdiń de Reseımen energetıkalyq baılanystaryn muqıat baqylaýda ustaıtynyn málimdedi.

Sarapshylardyń pikirinshe, bul sheshim jahandyq munaı naryǵyna, halyqaralyq saýdaǵa jáne geosaıası tepe-teńdikke áser etýi múmkin.