AQSH resmı ókili BBC-ge Vashıngton ókilderi búgin Abý-Dabıde Reseı delegasıasymen kezdesetinin rastady. Bul kezdesý AQSH qoldaǵan "beıbit kelisim" josparyna qatysty birneshe kúnge sozylǵan qyzý kelissózderden keıin ótpek. Jospar bastapqyda Kıev pen Eýropa elderiniń synyna ushyraǵan edi.

Aldaǵy kúnderi qosymsha kezdesýler josparlanyp otyr. Sonymen qatar Ulybrıtanıa premer-mınıstri Kıır Starmer ýkraınalyq odaqtastarymen vırtýaldy kezdesý ótkizbek.

Al, ótken túnde Reseıdiń Kıevke jasaǵan áýe shabýyldarynan alty adam qaza tapty, dep habarlady Kıev meri. Degenmen, soǵysqa núkte qoıýǵa baǵyttalǵan dıplomatıalyq kúsh-jiger jalǵasyp jatqany habarlandy.

Reseı jaǵy da Ýkraına júrgizgen shabýyldardan zardap shekkenin málimdedi: Krasnodar jáne Rostov shekara aımaqtarynda úsh adam qaza bolǵan.