Qazaqstannyń Azamattyq alánsy «USTANYM» Ulttyq pikirtalas klýbynyń «Konstıtýsıa: Qazaqstannyń tarıhı tańdaýynyń aınasy» taqyrybyna arnalǵan otyrysyn ótkizdi. Talqylaý elimizde júzege asyrylyp jatqan konstıtýsıalyq ózgerister aıasynda ótti.
Jıynǵa sarapshylar qaýymdastyǵynyń ókilderi, úkimettik emes uıymdardyń jetekshileri, elimizdiń 20 óńirindegi azamattyq alánstardyń kóshbasshylary, sondaı-aq Qoǵamdyq keńesterdiń tóraǵalary men músheleri qatysty. Bul alańnyń keń óńirlik jáne kásibı ókildikke ıe bolýyn qamtamasyz etti.
Kún tártibinde azamattyq qoǵam ınstıtýttarynyń konstıtýsıalyq reformany iske asyrýǵa qatysýy, memlekettik organdarmen ózara is-qımyl tetikterin jetildirý jáne reformalardy ázirleý men talqylaý úderisine qoǵamnyń keńinen qatysýyn arttyrý máseleleri qaraldy.
Otyrys qorytyndysy boıynsha Qazaqstannyń Azamattyq alánsy konstıtýsıalyq reformany qoldaý jóninde resmı málimdeme jasap, onyń eldiń saıası júıesin odan ári damytýdaǵy mańyzyn atap ótti. Sondaı-aq Konstıtýsıalyq komısıa múshelerine atqarǵan jumysy jáne azamattyq qoǵam usynystaryna nazar aýdarǵany úshin alǵys bildirildi.
