Qytaı tóraǵasy Sı Szınpın AQSH prezıdenti Donald Tramppen telefon arqyly sóılesip, Taıvandy Qytaı–AQSH qarym-qatynasyndaǵy «eń mańyzdy másele» dep atady. Ol Vashıngtondy aralǵa qarý jetkizý kezinde «óte saq bolýǵa» úndep, Qytaıdyń egemendigi men aýmaqtyq tutastyǵyn qorǵaý mindetti ekenin aıtty.
Tramp bul áńgimeni «óte jaqsy, uzaq ári mazmundy» dep baǵalady. Ol Qytaımen jeke qarym-qatynasynyń myqty ekenin atap ótip, Beıjiń AQSH-tan soıa satyp alýdy arttyrýy múmkin ekenin málimdedi. Sondaı-aq Tramp sáýir aıynda Qytaıǵa barýdy josparlap otyrǵanyn rastady.
Áńgime barysynda taraptar Ýkraınadaǵy soǵys, Irandaǵy jaǵdaı, sondaı-aq Qytaıdyń AQSH-tan munaı men gaz satyp alýy sıaqty halyqaralyq máselelerdi de talqylady. Buǵan deıin eki el basshylary saýda, fentanıl jáne Taıvan tóńiregindegi taqyryptardy qarastyrǵan.
AQSH Taıvanǵa negizgi qarý satýshy bolyp qala beredi. Ótken jeltoqsanda Vashıngton aralǵa shamamen 11 mlrd dollarlyq qarý satatynyn jarıalaǵan. Beıjiń bul qadamdy Taıvan buǵazyndaǵy jaǵdaıdy ýshyqtyratyn áreket dep baǵalap, eki eldi teńdik pen ózara qurmet ustanymymen dıalogqa shaqyrdy.
