Prokýratýra Túrkistan oblysyndaǵy órtten qaza tapqandar men zardap shekkender týraly aqparat jarıalady.
Jetisaı aýdanyna qarasty Alǵabas aýylynda 18 qarasha kúni tańerteń 360 sharshy metr aýmaqtaǵy turǵyn úıden iri órt shyqqan edi. Resmı málimet boıynsha, qyzyl jalynnan 12 adam kóz jumdy. Polısıanyń málimdeýinshe, órttiń aldynda otbasy súndet toı ótkizgen: aldymen meıramhanada, keıin merekeni úıde jalǵastyrǵan.
Jergilikti bılik taratqan málimet boıynsha, qaza tapqan balalar 2009, 2010, 2012, 2015, 2017, 2019 jáne 2021 jyldary týǵan. Eń kishisi — 2024 jyly dúnıege kelgen.
Qaıtys bolǵan bes bala bir úıdiń balalary — úsh qyz jáne eki ul. Ekinshi otbasynan 2018 jyly týǵan bir qyz bala aman qaldy.
TİZİM
-
15.10.1991 j.t. Shoıbekov Daýrenbek Talgatbekuly (úı ıesi)
-
10.01.1994 j.t. Amantýrdıeva Dınara Kadırbekqyzy (áıeli)
-
17.12.2015 j.t. Talgatbek Asıa Daýrenbekqyzy
-
22.07.2017 j.t. Talgatbek Dana Daýrenbekqyzy
-
19.02.2021 j.t. Talgatbek Alıhan Daýrenbekuly
-
19.02.2021 j.t. Talgatbek Amırhan Daýrenbekuly
-
18.03.2019 j.t. Talgatbek Alýa Daýrenbekqyzy
-
08.01.1990 j.t. Ýmırzahova Marjan Aldárova
-
16.01.2009 j.t. Talgatbek Jansaıa Oljasqyzy
-
06.12.2010 j.t. Talgatbek Assabýr Oljasbekuly
-
05.09.2012 j.t. Talgatbek Muhıt Oljasbekuly
-
20.03.2024 j.t. Talgatbek Raıana Oljasbekqyzy oqıǵa ornynda qaıtys bolǵan.
Budan bólek 1964 jylǵy Týregeldıeva Gýljamıla Seıdahanqyzy, 1986 jylǵy Shoıbekov Oljasbek Talgatbekuly jáne 2018 jylǵy Talgatbek Jasmın Oljasbekqyzy aýdandyq ortalyq aýrýhananyń jan saqtaý bólimine jatqyzylǵan.
Jalpy 12 adam qaza boldy. Aman qalǵan úsh adamnyń ómiri úshin dárigerler kúresip jatyr. Qaıǵyly oqıǵa boıynsha órt qaýipsizdigi talaptaryn buzý babymen qylmystyq is qozǵaldy.
Eske salaıyq, búgin tańerteń Túrkistan oblysyndaǵy Alǵabas aýylynda qaıǵyly oqıǵa boldy. Eki qabatty úıden órt shyǵyp, 12 adam qaza tapty.
