Shymkent qalasynyń prokýratýrasy sotqa deıingi tergep-tekserý nátıjesinde búdjetke keltirilgen zalal tolyq kólemde búdjetke qaıtarylǵanyn málimdedi.

Sot bir tulǵaǵa 3 jylǵa bas bostandyǵyn shekteý jazasyn qoldansa, bir tulǵaǵa 3 jyl 6 aı merzimge bas bostandyǵynan aıyrý jazasyn taǵaıyndady.

Máselen, Rysbekovanyń meńgerýindegi "Alı men Aııa" bóbekjaı-baqshasy" 2020 jyldyń naýryz aıynan bastap 2022 jyldyń jeltoqsan aıyna deıin balabaqshada joq 15 balany bar dep kórsetip, qujattar tapsyrý arqyly búdjetten 8,7 mln teńgeniń ústindegi qarjyǵa ıe bolǵan.

"Bul qylmys úshin sot úkimimen Rysbekova QK-tiń 190-baby 3-bóliginiń 1-tarmaǵy boıynsha kináli dep tanylyp, oǵan memlekettik uıymdarda jáne kvazımemlekettik sektor sýbektilerinde laýazymdy atqarýǵa ómir boıy tyıym salyndy jáne 3 jyl 6 aı merzimge bas bostandyǵynan aıyrý jazasy taǵaıyndaldy. Mundaı qatań úkimniń shyǵarylýy atalǵan tulǵanyń buryn da sotty bolyp, sot úkiminiń oryndalýy keıinge qaldyrylýy negiz boldy", dep habarlady Shymkent qalasynyń prokýratýrasy.