Qorǵanys mınıstriniń buıryǵyna sáıkes Qurlyq áskerleri Áskerı ınstıtýtynyń bazasynda 12 qyrkúıek pen 11 qazan aralyǵynda vzvod komandırlerin daıyndaý boıynsha zapastaǵy ofıserlermen úsh aptalyq jıyn ótýde. Berilgen jıynǵa Qazaqstannyń búkil aımaqtarynan 300 zapastaǵy ofıserler qatysýda. Jıyn qatysýshylary merzimdi qyzmet ótken, JOO-da áskerı kafedrany bitirgen. Jıynda barlyq baǵdarlamalardy sátti ótken jáne jaqsy minezdeme alǵandarǵa kezekti áskerı ataǵy beriledi.

Qazirgi tańda jıynǵa shaqyrylǵandar kazarmalyq jaǵdaıda. Barlyq áskerı pánderden praktıkalyq sabaqtar belsendi ótýde. Qazaqstan Respýblıkasy Qarýly Kúshteriniń jaýyngerlik jáne jumyldyrý daıyndyǵyn jetildirý úshin áskerı mindettiler dalalyq jaǵdaıda ózderiniń áskerı bilimderin shyńdaýda. Jıynnyń barysynda áskerı mindettiler vzvod komandıriniń is-áreketterin oqyp úırenedi jáne olar motoatqyshtar, tank, ınjenerler, materıaldyq-tehnıkalyq qamtamasyz etý áskerleri mamandyqtaryn oqyp jetildiredi.

Qurlyq áskerleri Áskerı ınstıtýtynyń profesorlyq oqytýshylar quramy RHQ, taktıkalyq daıyndyq, áskerı topografıa, baılanys quraldary, jalpy áskerı jarǵylar boıynsha sabaqtar ótkizýde. Sonymen qatar, áskerı mindettiler atý, júrgizý kýrstaryn jáne saptyq daıyndyqty tereńdete oqýda. Sabaqtyń kóptegen bóligi jaýyngerlik jaǵdaıda praktıkalyq túrde ótýde.

«Men Qaraǵandy oblysynan kelip otyrmyn. Osyndaı jıyndarǵa birinshi qatysýym. Osy oqý ortalyǵyna kelisimen sabaq kestesine baılanysty barlyq áskerı pánder boıynsha sabaqtar belsendi ótkizilýde. Jaýyngerlik daıyndyq jáne áskerı is, qarý-jaraq jáne áskerı tehnıka negizderin oqýdamyz. Meniń pikirim, osyndaı jıyndar mindetti túrde ótkizilýi tıis jáne bul degen QR ár er azamattarynyń tikeleı boryshy dep bilemin. Óıtkeni ol Otanynyń qorǵaýshysy, óz eliniń patrıoty», - zapastaǵy aǵa leıtenant Baımurynov Serjan óz pikirin bildirdi.

«Jumyldyrý jáne jınaqtaý kezinde QR QK óristetýge qajetti jaýyngerlik jáne jumyldyrý daıyndyǵyn arttyrý, áskerı oqytylǵan resýrstardy daıarlaý úshin jınaqtaý aýdandarynda zapastaǵy ofıserlermen polıgonda jıyn ótkizilýde. Qazirgi kezde jıynnyń belsendi kezeńi ótýde. Atý, áskerı tehnıkany júrgizý, (BMP-1, BMP-2, BTR-80) taktıkalyq daıyndyq, baılanys quraldaryn oqyp jetildirý boıynsha praktıkalyq sabaqtar kúnde ótkiziledi. Berilgen baǵdarlamany meńgerý barysynda áskerı mindettiler áskerı mindetterin atqarý úshin ózderiniń kásibı biliktilikterin arttyrý qajet. Jıyn aıaqtalysymen zapastaǵy ofıserler emtıhan tapsyrady», - dep qysqasha málimdedi áskerı mindettilermen jıyndardyń bastyǵy polkovnık Osmanov Rashıd.

Sabaqtardy sapaly uıymdastyrý jáne ótkizý, áskerı mindettilerdiń ómir turmysyn jaqsartý úshin polıgonda tárbıe jáne aqparat bólmeleri daıyndalǵan, medısınalyq pýnkt jáne aýyz sýymen qamtamasyz etilgen.

Jıyn aıaqtalysymen zapastaǵy ofıserler áskerı-esep mamandyǵyna jáne laýazymyna sáıkes oqý baǵdarlamasyn ıgerý boıynsha emtıhan tapsyrady.