Astana qalasynyń ákimi Baqyt Sultanov jumysqa jaıaý barýdy ádetke aınaldyrǵanyn aıtty dep jazady Qamshy.kz aqparat agenttigi. Osyǵan deıin biz "Alma jegen ákim "jumaqtan" qýylmaımyn dese bizdiń keńeske qulaq túrsin" atty materıal jarıalaǵanbyz. Biraq atalmysh materıalda "ákim avtobýspen júrsin", degen usynys aıtqan edik. Búgin Sultanov "úıim ofıske jaqyn bolǵan soń jumysqa jaıaý baryp júrmin", dep maqtanǵandaı bolypty. Alaıda keıde taksıge minip te júr eken. Iá, ákim bolý ońaı emes...

"Jumys kúnim qalany aralaýdan bastalady. Men buryn da jumysqa jaıaý baratynmyn. Al qazir úıim jumysqa jaqyn. Ákim bolǵannyń bir jaqsysy — taza aýada kóp júresiń. Óıtkeni elorda tirshiligin qamtamasyz etetin nysandardy aralaý kerek. Búgin meniń osy qyzmetke kelgenime bir apta boldy. Osy aralyqta kólik, qysqa daıyndyq, jylý berý maýsymyna daıyndyq qalaı júrip jatqanyn tekserip shyqtym. Aýlalardy abattandyrýǵa qatysty birqatar máseleni qarastyrdyq. Qala shetindegi eldi-mekenderdi nazarda ustaǵan jón", - depti Baqyt Sultanov. 

Negizi ofısi úıine jaqyn adamdar jumysqa jaıaý baratyn edi.  Jaraıdy, Qazaqstanda eń bolmasa bir ákim qara jaıaý júrse, jaılap-jaılap ózgerister oryn ala bastady dep seneıik. 

Sonymen birge eks-mınıstr qazirgi Qarjy mınıstri Álıhan Smaıylovqa óziniń aqyl-keńesin de aıamaı aıtyp úlgeripti. 

"Jańa Qarjy mınıstrine danalyq tileımin, árıne. Sebebi búginde qoıylatyn talap ta joǵary, qaýip-qaterler de kóp. Elimizdi damytý boıynsha qanshama mindetter tur. Sondyqtan Qarjy mınıstri únemi ár sheshimin aqylǵa salyp qabyldaǵany durys. Onyń boıynda sarańdyq ta, qyńyrlyq ta, eldiń qarjylyq júıesin damytýǵa jaǵdaı jasaý úshin kóregendilik te bolýy qajet", — deıdi eks-mınıstr. 

Bizdiń mınıstrlerde danalyq qaıdam, biraq sarańdyq baryna senýge bolady. Sultanovtyń nelikten bolashaq mınıstrge kóptegen shendiniń boıynan tabyla bermeıtin ádildikti tilep, sózge tıek etpegenin túsinbedik. Al biz Sultanovtyń halyqty kúlkige qaryq qylatyn emes, halyqty súısindiretin málimdemeler jasaýyn tileımiz!