Sońǵy eki kún boıy Dashogýzdyń memlekettik dúkenderinde nan joq dep habarlaıdy Azatlyktyń osy óńirdegi tilshisi.
«Dashogýzdyń memlekettik dúkenderinde nan satylmaıdy. Adamdar un shyǵaratyn zaýyttyń aldynda kúni boıy kútýmen tur. Jekemenshik dúkenderde múldem nan satylmaıdy. Sebebi barlyq jerde un tapshy. Eki kún boıy osylaı jalǵasyp keledi», - deıdi aty-jónin qupıa ustaýdy suraǵan jergilikti turǵyn.
Tilshiniń sózderinshe, dál osyndaı jaǵdaı Túrikmenstannyń Lebap jáne Balqan óńirlerinde de baıqalady.
Ashhabadtyq sholýshy Amanmurat Býgaev astanada da un tapshy deıdi. Onyń aıtýynsha, un, qant jáne ósimdik maıy burynǵysynsha shekteýli mólsherde satylady.
