Pıter Bos Nagalandyq hedhanterler beınesin sýretteıtin serıalar túsirdi. Bul beıneler «Konáktar: áshekeıli ańshylardyń sońǵy býyny» degen kitaptan tańdalynyp alyndy.
Hedhanterler ózderiniń tatýırovkalaryn dushpandaryna degen qarsylyqtaryn beıneleý úshin paıdalanǵan.
Hedhanterler tarıh qoınaýyna sińip ketkenine qaramastan Konák taıpasynyń egde turǵyndarynyń boıyndaǵy tatýırovkalar saqtalyp keledi.
Konák taıpasynyń shamamen 230 myńǵa jýyq turǵyny Úndistannyń Mánma shekarasyna jaqyn Nagaland eldimekeninde turaqtaǵan.
Hrıstıan mısıonerleri aımaqqa taban tiregen HİH ǵasyrdyń ekinshi jartysynan bastap taıpanyń dástúrli tatýırovkasy álsireı bastady.
Bet belgilerimen qosqanda dene tańbalary taıpada atalyp ótken negizgi jáne ótpeli kezeńderdegi salt-joralǵylardy oryndaý barysynda paıdalanylǵan.
Bos Nagaland eldimekenindegi kúndelikti ómirdegi túrli aspektelerdi taýyp, kórsetken.
Konák jaýyngeriniń dástúrli kıimi.
«Tatýırovkanyń árbir tańbasy áldekimniń mártebesi nemese ómir kezeńin beınelegen», - deıdi 38 jastaǵy Konák Hedhanterdiń shóberesi Pejın Konák.
Bos portretterimen qosa kitapta tatý sýretteriniń ılústrasıalary men taıpanyń ádet-ǵuryptary, rásimderi jáne qoǵamdyq qurylystary jaıly málimetter egjeı-tegjeıli qamtylǵan.
Tatýırovkalar dástúrli túrde rotandar men aǵash pıgmentterin paıdalaný arqyly qolmen terige bekitilgen.
Konák óz zertteýiniń dástúrleri joǵalyp ketken taıpasynyń jas býyn ókilderi úshin qundy jazba bolyp qalatyndyǵyna senedi.
Portretterdiń tórt jylǵa jýyq ýaqyt aralyǵynda daıyndaǵan Bos alty aptadaı Nagalandta bolǵan.
Portretter taıpanyń bambýkten, pálma japyraǵynan jáne aǵashtan jasalǵan dástúrli úılerinde jıi túsirilgen.
Bos bir qaraǵanda qorqynyshty kórinetin jaýyngerlerdiń meıirimdi jáne darhan bolǵanymen, portretteriniń «olardaǵy muńdy» beıneleıtinin aıtty.
Bos jobalarynyń basym bóliginde dástúrli kıimderdi paıdalanyldy, biraq keıbireýlerinde sporttyq kıimder men zamanaýı úlgidegi aksesýarlar kórinis tapty.
«Olar áli tiri, biraq ýaqyt olardy quryqtady», - deıdi Bos egde turǵyndar jaıly.
«Olar endi bul álemde joq».
Derekkóz: cnn.com
Aýdarǵan: Móldir Bekjan
