«Nur Otan» partıasy Qazaqstandaǵy mektep asqanalaryn modernızasıalaý boıynsha barlyq jumysty úılestirý ortalyǵy retinde áreket etedi. Partıa músheleri bul joly mektep oqýshylarynyń tamaqtaný úrdisine mán berdi. Olardyń durys tamaqtanýyna, salaýatty ómir súrýine yqpal etýdi maqsat etip otyr.
Partıa Tóraǵasynyń birinshi orynbasary Máýlen Áshimbaev osy saladaǵy jumystyń negizgi baǵyttary týraly áńgimelep berdi.
Jańa bastamany talqylaý úshin partıa músheleri ata-analar komıtetteri ókilderin, bıznes qaýymdastyǵyn, úkimettik emes uıymdar men memlekettik organdardyń ókilderin shaqyrdy. Kezdesýdi ashqan Máýlen Áshimbaev mamandar aıtqan aqparatpen tanystyrdy. Málimetke sáıkes, mektep oqýshylarynyń kóbi asqazan-ishek aýrýlaryna shalyqqan eken. Qazaqstanda 14 jasqa deıingi balalardyń 21 paıyzy artyq salmaqtan japa shegýde. Munyń bári oqý ortalyqtaryndaǵy sapasyz tamaqtanýdyń kesirinen.
«Sońǵy kúnderi áleýmettik jeli men BAQ ókilderi bul máseleni jıi kóterip júr. Ásirese ata-analar arasynda jıi aıtylady. Bizdiń partıa bul máseleni sheshýge belsene kiristi. Biz birinshi kezekte qandaı áreketke barýymyz kerek? Buǵan qatysty mindetimizdi birneshe kezeńge bóldik», - dedi Máýlen Áshimbaev.
Alǵashqy kezeń tamaqtyń sapasyna qatysty. Kóbine mektep asqanalarynyń taǵamdary jutań, asqanada un ónimderi men qant mólsheri kóp taǵamdar satylady. Al Densaýlyq saqtaý mınıstrligi men tamaqtaný akademıasy daıyndaǵan standartqa sáıkes taǵam ónimderin paıdalaný jaı ǵana qaǵaz júzinde qalyp qoıdy. Partıalyqtar óz kezeginde mınıstrlik tarapynan daıyndalǵan standarttardy mindetteýdi qolǵa aldy.
Jobanyń ekinshi baǵyty – ónimniń sapasy men sanıtarlyq normasyn baqylaý. Mundaǵy nazar aýdararlyq taǵy bir másele – «meıirimnen jurdaı» tapsyrysty jetkizýshiler. Partıalyqtardyń deregine súıensek, qazirgi ýaqytta budan buryn bilim berý mekemelerinde tamaqtaný erejelerin buzǵan asqana kásipkerlerin jalǵa alý faktileri anyqtaldy. Bul degenimiz memlekettik organdar tarapynan baqylaýdyń joqtyǵyn ári esepke alynbaıtyndyǵyn bildiredi.
Úshinshi baǵytqa sáıkes, Qazaqstannyń bes oblysynda mektep oqýshylaryn tamaqtandyrý máselelerine kóńil bólmeıtin mektepterdiń baryn eskerip, solarmen jumys jasaý. Elde dál sondaı 538 bilim berý ortalyǵy bar.
Tórtinshiden, tamaqtaný mádenıetine kóńil bólinedi. Tek mektepterde emes, qoǵamdyq ortalyqtarda da bul máseleni esepke alý eskerildi.
Ár baǵyt boıynsha 1 baǵyt boıynsha jumystar atqarylady dep josparlanyp otyr. Osydan keıin «Mektep asqanalary» jobasynyń konsepsıasy ashyq túrde jaryq kóredi, al ony júzege asyrý pılottyq rejimde oryndalmaq.
Aıta keteıik, budan buryn Máýlen Áshimbaev óziniń Facebook-tegi paraqshasynda mektep asqanalaryndaǵy tamaqtaný máselesin kóterip jazǵan bolatyn.
