Aktrısa Sholpan Elgezekovany búgin aqtyq saparǵa shyǵaryp saldy. Bul jaıynda áleýmettik jeli qoldanýshysy Murat Imanbek Facebook jelisinde jazdy. 

Áleýmettik jeli qoldanýshysy aktrısa qaza tapqan jol apaty jaıynda aıta kelip, oǵan sebepker júrgizýshige eń qatal jazany suraýda.

"Assalaýmaǵaleıkým, arda aǵaıyn! Tanymal aktrısa Sholpan Elgezekova kólik apatynan qaıtys bolypty degen oqys habar ashyq kúnde tóbemizden túsken naızaǵaıdaı áser etti. Jalma jan áleýmettik jelilerdi aqtaryp qalaı bolǵanyn ańǵarýǵa, túsinip bilýge talpyndyq. Búgin ertemen uqqanymyz apatty jaǵdaıǵa sebepkerge qatysty QR QK 345 statásynyń 3 tarmaǵy boıynsha is qozǵalypty (abaısyzda kólik apatyn jasap adam óltirgeni úshin bar bolǵany 5 jyl). Búgin sol Sholpan ákpemizdi aqyrǵy saparǵa shyǵaryp saldyq. Nesin aıtamyz, aldy Astanadan, arty Qyzyljardan kóńil aıtyp kelgen halyqtyń sany qara-qurym. Aýylymyzdyń, aýdanymyzdyń el-jurtynan bólek, teatr óneriniń maıtalmandary, estrada sańlaqtary da kóp kelipti. Jýrnalıser de birshama. Birshamasymen áńgime suhbat qurdyq. Teatr sahnasynan televızıadaǵy rolderge aýysqanyna eki úsh jyl ótkenine qaramastan, eldiń erkesine aınalǵan bizdiń aýyldyń qara kózi - Sholpan ápkemizdiń alar asýy alda edi. Amal neshik, ajal aramyzdan erte áketti, Allanyń ámirimen shyǵar. Zar ılegen ana men balanyń daýysyn estigende quıqam shymyrlap, jylaǵandarǵa jaqyn turýǵa dátim barmady. Degenmen aıtar oıym basqada edi. Apattyq jaǵdaıǵa kináli 85 jylǵy duńǵan ultynyń ókili eken. İshimdikke sylqyıa toıyp alǵan azǵyn 120 kılometr jyldamdyqpen baǵdarshamnyń qyzylyna ótken. Nátıjesinde úsh adamdy ajal qushtyryp, tórtinshisin aýyr halde dalada tastap taıyp turǵan. Qalaısha ańdaýsyzda bolǵan kólik apaty? Qalaısha 345 statányń 3 tarmaǵy? Árıne artynan tanymal aktrısalardy jazym qylǵanyn, oqıǵanyń jaı ǵana bitpeıtinin estip bilgen týystary keshirim surap aıaqqa jyǵylýdy bastady dep estidik. Degenmen de, sol bala shaǵasynyń kún kórisi úshin taksılik qylyp júrgen beıshara taksıstiń januıasyn munda da umyt qaldyrǵan. Sonda qalaı, aqshasy barlar basynǵany ma? Qate kettiń be, keshirim suradyń ba, alalamaı nege barlyǵynyń aldynan ótpegensiń? Ol baıqustyń súıegin alýǵa aqsha tappaı januıasy sandalyp júr! Byltyr Ten qaıtys bolǵanda artynan qýa jónelgen Tendi ańdaýsyzda pyshaq uryp óltirip alǵanda qoǵam ólim jazasyn surap edi (ol qanipezerledi qoldamaımyn, zańǵa sáıkes jazasyn alsyn), qara kózderińdi, baıqus qaımana qazaqty óltirip jatqanda qoǵam únsizdikpen otyr. Obaly ne kerek, qoǵamymyzǵa tanymal baýyrlarymyzdyń arqasynda nazardan tys qalmas, degenmen araqqa sylqyıa toıyp alyp, qaltasyndaǵy qarjysyna senip, qanym qazaqty erkin mertiktirgishterge qyjylym bar degenim az aıtqanym bolar. Oý, nege abaısyzda adam basty dep tek bes jylǵa barady? Onda da keshirimmen bostandyqqa shyǵyp keter múmkindigi bar ǵoı. Úsh adamdy óltirip, anasyz, ákesiz qalǵan haıýanǵa atý jazasy berilsin... Zań boıynsha eń qatal jazasyn alsyn!" - dep jazady jeli qoldanýshysy.