Qazaqtyń jyl sanaýy 22 naýryzdan bastalady desek te. jyl saıynǵy 31 jeltoqsandy merekeleý úrdiske aınalyp ketken. Kúni búgin kelip jetken dońyz jylyn halyq ádettegideı qýanyshpen qarsy aldy. Otbasylyq dastarhan, merekelik quttyqtaýlar men syılyqtar jáne eń bastysy – saǵat dál 00:00-di kórsetkende Elbasy Qazaqstan halqyn quttyqtady.

Osydan eki jyl buryn saıtymyzda «Jańa jyldy Elbasymyz qazaǵymnyń qymyzymen quttyqtasa eken!» degen maqala jaryq kórgen bolatyn. Iá, bul tek bir ǵana adamnyń emes, barsha halyqtyń tilegi boldy.

Álem boıynsha toılanatyn bul merekeni el bolyp kútemiz, otbasymyzben jınalyp, jyldaǵy dástúr boıynsha teledıdardyń aldyna jınalyp, Elbasynyń quttyqtaýyn tyńdaımyz. Alaıda, bıylǵy quttyqtaý burynǵydan ózgerek boldy. Elbasymyz jylda qolyna ustap shyǵatyn aqqaınar toly bokaly bıyl kóringen joq.

Qymyz ustap shyqpasa da, alkogólsiz shyqqan Elbasynyń bul áreketin áleýmettik jeli qoldanýshylary quptap, kelip jetken dońyz jyly jaqsy jańalyqtarǵa toly bolady dep joramaldap otyr.

Barlyqtaryńyzdy jańa jyldaryńyzben quttyqtaı otyra, biz de elimiz aman, jurtymyz tynysh bolsyn dep tileımiz!