Áleýmettik jelide polısıa kıimindegi qyzmetkerdiń quttyqtaýy tarap, ol jurtshylyqtyń qyzý talqysyna tústi. Polısıa ókili  óziniń quttyqtaý sózinde qylmys áleminiń adamdary jıi paıdalanatyn sózderdi aıtqany úshin jurtshylyqtyń synyna ushyrady. Sóz arasynda «bizdiń bratva, biz bandamyz» degen teńeýler kezdesedi. Osyǵan baılanysty QR İİM İshki jáne syrtqy komýnıkasıalar departamentiniń dırektory Almas Sadýbaev túsinik berdi.

 «Vedimistik oqý ornynyń laýazymdy qyzmetkeri kózge túsken vıdeo zertteldi. Ol óziniń áriptesterine quttyqtaý joldaǵan. Beınejazbany 2018 jylǵy 31 jeltoqsanda İİM Qaraǵandy akademıasynda birinshi kýrs basshysynyń orynbasary túsirgen», - dep jazdy A. Sadýbaev Feısbýktegi paraqshasynda. 

Onyń sózine qaraǵanda, osy oqıǵa boıynsha qyzmettik tekserý júrip jatyr. Bul turǵyda atalǵan qyzmetker men onyń basshylary qatań tártiptik jaýapkershilikke tartylady, sondaı-aq qyzmetinen bosatý sharasy qabyldanýy múmkin.