Almatyda bolǵan iri jol apatynyń úshinshi qurbany kim ekeni belgili boldy. Ol — Kókshetaýda dúnıege kelgen, Astana qalasynyń turǵyny, eki balanyń anasy, GuDi Group" JSHS tapsyryspen tamaq tasıtyn kompanıanyń atqarýshy dırektory bolyp qyzmet atqarǵan Dınara Qanatqyzy Hamıtova. Áke-sheshesi qyzynan, kúıeýi adal jarynan, uly men qyzy asyl anasynan aıyrylyp, qaıǵy shekti.

Qamshy.kz aqparat agenttigi marqum Dınaranyń týystaryna qaıǵyra kóńil aıtady. Atalmysh oqıǵany basty nazarǵa alǵan biz kináli jazadan qutylyp ketpesin degen nıet-oımen oqyrman nazaryna jan-jaqty aqparat berip otyrýdy jón dep sanaımyz.

Dınara Hamıtovanyń Ásel esimdi bólesi qylmyskerdiń qatań jazalanýyn surap, mynandaı jazba jarıalapty:

«2018 jyldyń 29 jeltoqsanynda tańǵy saǵat 5:00 shamasynda Abaı men Seıfýllın kósheleriniń qıylysynda jantúrshigerlik jol apaty boldy. Kólikte taksı júrgizýshisi men úsh jolaýshy otyrǵan. Úsh adam qaza tapty, sonyń biri – meniń bólem Dınara. Ol óte meıirimdi adam bolatyn. Ata-anasynyń kóz-qýanyshtary, jalǵyz qyzy edi. Artynda jan-jary men bir uly jáne qyzy qaldy. Beıbit kúnde balalar anasyz jetim qaldy».