Qaraǵandy İİM akademıasynyń basshysy jumystan qýyldy, dep jazady Qamshy.kz aqparat agenttigi İİM baspasóz qyzmetine silteme jasaı otyryp.
Sonymen qatar, keshe shýǵa aınalǵan vıdeonyń bas keıipkeri, Qaraǵandy akademıasynyń birinshi kýrs basshysynyń orynbasary Tastaıbekov A.R. qyzmetinen bosatylǵan edi.
QR İshki ister mınıstriniń orynbasary general-maıor Berik Bısenqulov Barımbek Beısenov atyndaǵy İİM akademıasynyń jeke quramyna jańa basshyny tanystyrdy. Bul qyzmetke polısıa polkovnıgi Darmenov Aqynqalı Dáýitbekuly taǵaıyndaldy.
Aıta keteıik, áleýmettik jelide polısıa qyzmetkerleri "biz bandamyz" dep bir-birin quttyqtaǵan vıdeosy tarap, qoǵamnyń qyzý talqysyna túsken bolatyn.
