Nursultan Nazarbaev Qazaqstan azamattyǵyn jeńildetilgen tártippen alýǵa bolatyn tulǵalarǵa qatysty jańa jarlyqqa qol qoıdy. Elbasynyń qaýlysy boıynsha, endi 16 túrli kásip pen mamandyq ıeleri Qazaqstan azamattyǵyna jeńildetilgen tártippen qol jetkize alady.
Jańa tizimge engizilgen densaýlyq saqtaý salasyndaǵy mamandar, bıznes sarapshylary, baǵdarlamalyq qamtamasyz etý mamandary, aqparattyq tehnologıa salasyndaǵy joba menedjeri, robototehnıka, aqparattyq qaýipsizdik salasyndaǵy mamandar, aqparattyq qaýipsizdik aýdıtory, aqparatty qorǵaý boıynsha ınjenerler Qazaqstan azamattyǵyn jeńildikpen ala alady. Tizimge sonymen qatar bıoınformatıka, molekýlárlyq bıotehnologıa jáne bıoınjenerıa salalaryndaǵy mamandar, bilim berý tehnologıasy, agrarlyq ǵylym, medısına, qarjy jáne ekonomıka salalary boıynsha ǵylymı qyzmetkerler engizilgen.
