Búgin 6 qańtar 2019 jyly saǵat 10.00-de Qaraǵandyda bılik ókilderi «Drevnıı Rım» meıramhanasynda oryn alǵan janjal kezinde kóz jumǵan jigittiń jaqyndarymen kezdesti.

Kezdesý barysynda tergeýdiń júrgizilýi jaıly túsiniktemeler berildi.

Bul ýaqytta Polısıa departamentiniń aldynda aqparattyń habarlanýyn kútken 200-230 adam jınaldy.

Jınalǵandardyń aldynda Qaraǵandy oblysynyń ákimi Erlan Qoshanov sóz sóılep, tergeýdiń barysy jaıly jáne aldaǵy ýaqytta iske asyrylatyn sharalar týraly tolyq aqparat berdi. Ákim tergeý sharalarynyń QR Bas prokýrorynyń jeke baqylaýyna alynǵandyǵyn jáne barlyq kináli tulǵalardyń jazalanatynyn qadap aıtty.

Bılik atalǵan prosestiń obektıvti jáne barynsha ashyq ótetinine ýáde berdi. Qazirgi ýaqytta quqyq qorǵaý organdary tarapynan QR Qylmystyq kodeksiniń adam óltirý jáne buzaqylyq baptary boıynsha qylmystyq is qozǵaldy. Búgingi tańda 9 qatysýshy anyqtaldy, onyń 8 tutqynǵa alyndy, 1-eýi halyqaralyq izdestirýge jarıalandy.

Janjal eki kompanıa arasynda bolǵanyn jáne ultaralyq sıpat almaǵanyn habarlaımyz.

Sondaı-aq QR Qylmystyq kodeksiniń 274-baby boıynsha jalǵan aqparat taratý - bes myń aılyq eseptik kórsetkishke deıingi mólsherde aıyppul salýǵa, 7 jylǵa deıinbas bostandyǵyn shekteýge ne sol merzimge bas bostandyǵynan aıyrýǵa jazalanatynyn eskertemiz.

Kezdesý barysynda eshqandaı zań buzýshylyqtar tirkelgen joq. Qazirgi ýaqytta qalada jáne oblysta jaǵdaı turaqty, qoǵamdyq tártiptiń buzylýyna jol berilgen joq.

Qaraǵandy oblysy ákimdiginiń baspasóz qyzmeti