Qyzylordada jasóspirim jaıaý júrginshini qaǵyp óltirdi,- dep jazady Qamshy.kz aqparat agenttigi  Tengrinews.kz caıtynyń derigin negizge alyp. Bul týraly QR İİM ishki jáne syrtqy komýnıkasıa departamentiniń dırektory Almas Sádýbaev málimdedi. 

Belgili bolǵandaı, 2018 jyly 28 jeltoqsanda kámelet jasyna tolmaǵan bala kólikpen jaıaý júrginshini qaǵyp óltirgen jol-kólik oqıǵasy deregine qatysty sotqa deıingi tergeý sharalary bastalypty.

"Avtokólik kináli adamnyń anasyna tıesili. Sol kúni ol ata-anasynyń ruqsatynsyz kólikpen qalaǵa shyǵyp, jaıaý júrginshini qaǵyp ketken. Oqıǵa ornynda ol zardap shekken adamdy kóligine salyp, aýrýhanaǵa jetkizgen. Alaıda ol 1 qańtarda alǵan jaraqatynan aýrýhanada qaıtys boldy. Jasóspirim óz kinásin tolyqtaı moıyndady. Qazirgi ýaqytta ol anasynyń qaraýyna berildi",- delingen málimdemede.  Sonymen qatar, avtokólik ıesine qatysty sotqa deıingi tergeý sharalary da bastalyp ketken. Tergeý sharalaryn İİM baqylaýǵa aldy. 

"2018 jyly 28 jeltoqsan kúni Qyzylorda qalasynda oryn alǵan JKO deregi boıynsha Kazaqstan Respýblıkasy Qylmystyq kodeksiniń 345-babynyń 3-bóligimen jáne 349-babynyń 3-bóligimen sotqa deıingi tergep-tekserý jumystary júrgizilýde. Tıisti saraptamalar taǵaıyndaldy. Oqıǵanyń mán-jaılary anyqtalýda. Tergeý jumystary polısıa departamenti basshysynyń jáne oblys prokýrorynyń erekshe baqylaýynda",-deıdi QR İİM ishki jáne syrtqy komýnıkasıa departamentiniń dırektory Almas Sádýbaev.