5 qańtardan bastap biryńǵaı jınaqtaýshy zeınetaqy qorynyń salymshylary qorda qansha aqshasy bar ekenin eGov.kz saıtynan bir rettik SMS qupıa sózdiń kómegimen bile alady, dep habarlaıdy Qamshy.kz aqparat agenttigi sputniknews.kz saıtynyń deregin negizge alyp. 

Osy ýaqytqa deıin bul qyzmet túrin elektrondy sıfrlyq qoltańbamen ǵana paıdalanýǵa bolatyn edi.

"Salymshy suratym jibergennen keıin azamattardyń mGov mobıldi bazasynda tirkelgen nómirine qupıa sóz jazylǵan SMS keledi", — dedi zeınetaqy qorynyń baspasóz qyzmetindegiler.

Budan ózge zeınetaqy salymdary týraly aqparatty BJZQ keńsesine baryp nemese jazbasha ótinish ótkizgennen keıin, BJZQ-da tirkelgen elektrondy poshta arqyly, sondaı-aq, elektrondy sıfrlyq qoltańbanyń kómegimen BJZQ portalyndaǵy jeke kabınet nemese eGov.kz elektrondy úkimet saıtyndaǵy jeke kabınet arqyly alýǵa bolady.