Esterińizde bolsa, osydan bir aı shamasy buryn álemde tyıym salynǵan tájirıbe júrgizip, uryq DNK-syn redaksıalaǵan qytaı ǵalymy týraly eki habar taratqanbyz: ıaǵnı embrıon DNK-syna tájirıbe jasaý arqyly nátıjesinde osy zamanǵy emi qıyn VICH ınfeksıasyna aǵzasy tózimdi Nana jáne Lýlý esimdi egiz qyzdyń ómirge kelgeni týrasynda aıtqanbyz. He Dzánkýı emhanasynda osy zamanǵy Crispr tehnologıasynyń kómegimen júrgizilgen tájirıbe óz kezeginde ǵalymnyń aıdaı álemge atyn shyǵarǵanymen onyń jańalyǵy óz basyna qara bult bolyp úıirilip, aqyrynda iz-tússiz joǵalyp ketkenin ári uzynqulaq habarǵa qaraǵanda Gonkongtaǵy ǵylymı jıynnan keıin ony tutqyndap áketkeni týrasynda da aıtyp ótkenbiz. Qannyń leıkosıttiniń túzilýine áser etetin genge túzetýdi engizýdi qajet etpeıtin VICH ınfeksıasyna tózimdilik, ıaǵnı, keı adamdardyń aǵzasynda mundaı mýtasıa kezdesedi. Olardyń qarasy kári qurlyqta shamamen 1,5 paıyzdy quraıdy. He Dzánkýıdiń ózi bul tájirıbeni adamzattyń ıgiligi men gendik ınjenerıanyń damýy úshin júrgizgenin aıtyp, aqtalyp baqsa da, onyń qolyna kisen salynyp, qazirgi ýaqytta Shenchjen qalasyndaǵy óziniń úıinde qamaýda otyr. Syrtynan kúzet qoıylǵan. Ústinen qylmystyq is qozǵalyp, tergeý amaldary júrgizilip jatyr. Onyń aıaǵy ólim jazasyna ulasýy múmkin.

Ǵalym DNK-syna tájirıbe júrgizgen egiz qyzdar. Nana men Lýlý

Derekkóz: islam.kz

Usynǵan Gúlim Jaqan