Dımash ataqty mońǵol ánshisi Táńirmen “Swan Goose” ánin oryndady dep jazady Qamshy.kz aqparat agenttigi.

Mońǵoldyń halyq ániniń alǵashqy shýmaǵyn ol qazaq tilinde aıtty. Dımash qańtar aıynda "Jiangsu" spýtnıktik telearnasyndaǵy kóktemgi festıválde óner kórsetkeni belgili. Atalmysh festıválde Dımash aǵylshyn tilindegi «Screaming» ánin aıtyp, kópshilikti aýzyna qaratty. 

Festıváldegi Dımash pen Táńirdiń dýeti Youtube jelisinde jarıalandy. Sheteldikter Dımash pen mońǵol ánshisin bul dýetin jyly qabyldap, joǵary baǵalaýda. Olardyń erekshe daýysy bir-birimen úılesim taýyp, óte sátti shyqqan. 

Dımashtyń ózi bul keshten erekshe lázzat alǵanyn aıtty.

"Sahnanyń bezendirilýi men halyqtyń yqylasy týraly aýyz toltyryp aıtýǵa bolady. Bul kesh 100 emes, 200 paıyz jaqsy ótti dep aıta alamyn. Oıymnan shyqty. Sahnanyń tórin usynyp, ystyq yqylasyn bildirip jatqan kórermenderge alǵys aıtamyn", deıdi Dımash. 

Sondaı-aq Dımash tanymal ánshi Táńirmen birge bir sahnada óner kórsetýdi úlken jetistik dep baǵalaıtynyn jetkizdi. 

Al Táńir bolsa, Dımashtyń ónerin joǵary baǵalaıtynyn jáne  qurmetteıtinin aıtyp ótti. 

Usynǵan: Ásel Bolatqyzy